У чэрвені ў Гродне адкрыецца першая пральня самаабслугоўвання babl.by. Яна з’явіцца на вуліцы Пушкіна, 29a. Да адкрыцця рыхтуюць яшчэ некалькі кропак у іншых раёнах горада ў бліжэйшы час. У сацсетках babl.by пытае, у якія раёны Гродна яшчэ прыйсці.
UPD 4 верасня. Пральня адкрылася. Кошт цыкла мыцця або сушкі прафесійных машын фіксаваны. Мыццё – 15р. Сушка – 7,5 р. Сродкі для мыцця можна прыносіць свае альбо набыць порцыю на месцы.
Для наведвальнікаў будуць даступныя прафесійныя пральныя і сушыльныя машыны з загрузкай да 12 кг і аб’ёмным барабанам.
— Вы зможаце якасна памыць і пасушыць нават аб’ёмныя рэчы, догляд за якімі выклікае складанасці дома, — абяцаюць у сетцы.
Кошты пакуль не зацвердзілі. Дакладныя адрасы паведамяць пасля завяршэння юрыдычных узгадненняў.
— Наша мэта – прысутнічаць ва ўсіх буйных мікрараёнах, каб вам не трэба было ехаць з вялікім пледам ці трыма курткамі на іншы канец горада.
Для першых 10 кліентаў абяцаюць сюрпрыз.
Чытайце таксама: У Гродне на месцы сеткавага кафэ адкрыўся салон прыгажосці
