Смаргонскі раённы суд вынес прыгавор кіруючай аддзяленнем жывёлагадоўлі малочнатаварнай фермы. Жанчына не пракантралявала запаўненне спецыяльных назапашвальнікаў сцёкавымі водамі. У выніку работніцу прызналі вінаватай у забруджванні земляў.
Згодна з матэрыяламі справы, у канцы 2025 года работніца арганізоўвала мыйку даільнага абсталявання ў малочным цэху, паведамляе БелТА.
Пры гэтым яна не пракантралявала запаўненне спецыяльных назапашвальнікаў вытворчых сцёкавых вод, не арганізавала своечасовую адпампоўку і вываз сцёкаў на камунальныя палі фільтрацыі. Назапашвальнікі перапоўніліся – сцёкавыя воды трапілі на тэрыторыю фермы побач з вёскай Буякі. Гэтыя землі адносяцца да сельгаспрызначэння.
Адбылася хімічная дэградацыя земляў. Памер нанесенай шкоды навакольнаму асяроддзю ацанілі ў 59850 руб. – асабліва буйны памер.
На судзе работніца цалкам прызнала віну і растлумачыла, што сапраўды не пракантралявала назапашвальнікі і дапусціла скід сцёкаў. Кіраўніцтву прадпрыемства да праверкі раённай інспекцыі прыродных рэсурсаў і аховы навакольнага асяроддзя яна пра здарэнне не паведаміла.
Суд Смаргонскага раёна прызнаў жанчыну вінаватай па арт. 269 КК – забруджванне зямель сцёкавымі водамі (псаванне зямель), якое пацягнула па неасцярожнасці шкоду ў асабліва буйным памеры. Пакаранне – штраф 30 базавых велічынь.
Прысуд не абскарджаны і набыў законную моц.
Чытайце таксама: У Гродне выпускнік сам «размеркаваў» сябе ў краму – атрымаў год умоўна
