Новая ўстанова з’явілася ў старажытным доме на Горкага, 47А. Кавярня «Zолото» ужо працуе ў тэставым рэжыме і прымае наведвальнікаў.
Раф з канаплянай халвай і латэ крэм-брюле: якія напоі падаюць у «Zолото»
У канцы сакавіка 2025 года ўладальнікі ўстановы ў Instagram аб’явілі аб наборы супрацоўнікаў - шукалі барыста з добрымі камунікатыўнымі навыкамі. У красавіку ў публікацыях сталі паведамляць аб хуткім адкрыцці кавярні.
Некаторыя гродзенцы ўжо наведалі ўстанову. У «Zолото» падаюць класічную каву: эспрэса за 4,5 руб., капучына і латэ за 5,5 руб. Будуць рыхтаваць і аўтарскія напоі, у меню: раф з канаплянай халвой, фісташкавы раф з рыкотай і малінай, бананавы латэ «крэм-брюле». Кошт аўтарскіх напояў вар'іруецца ад 7 да 9 руб.
Інтэр'ер кавярні выкананы ў малочна-залатых адценнях. Ёсць летняя тэраса з адным столікам і кветкавай фотазонай, унутры кафэ — свечкі, круглыя люстэркі і стальніцы з імітацыяй мармуру.
Установа працуе ў тэставым рэжыме з 10.00 да 22.00 штодзень.
Адзіны, які захаваўся: чым вядомы дом на Горкага, 47А
«Zолото» знаходзіцца па адрасе Горкага, 47А ў даваенным доме, якому летась споўнілася 100 гадоў. У 1920−30-х гадах гэта быў жылы дом для супрацоўнікаў пошты. У савецкія часы — гатэль абласнога камітэта кампартыі. Там неафіцыйна прымалі дэлегацыі з Мазамбіка, Анголы, Нікарагуа ды іншых краін, якія змагаліся з каланіялізмам. У апошнія гады гродзенцы ведалі гэты будынак як натарыяльную кантору.
Гістарычная забудова на гэтай частцы вуліцы Горкага не захавалася: нешта знеслі за савецкім часам, нешта ў сярэдзіне 2000-х. З аўтэнтычнай забудовы ацалеў толькі гэты дом.
Чытайце таксама: На ўскраінах Гродна з’яўляецца ўсё больш кавярань — цэнтру горада ўладальнікі аддаюць перавагу спальным раёнам
